Die brand neu Etigette vom Aabrennte Bier 2012 wos numme im Zünndhölzli/Brandloch am Untere Heubärg 2 z dringge git.
Do mit dere Sexbox leere d Basler Schieler jetzt wie s goot.
Dr Kevin meint nur keck: “Dä Unterricht, dä kunnt e bitzli spoot.”
Au s Anneli isch zimlig glangwyylt, und doch findet si kokett:
“Mega-guet dass me au d Leerer emol uffklärt het.”
Dr Kevin meint nur keck: “Dä Unterricht, dä kunnt e bitzli spoot.”
Au s Anneli isch zimlig glangwyylt, und doch findet si kokett:
“Mega-guet dass me au d Leerer emol uffklärt het.”
Dr Maurer meint: “Das Heer muss sparen, das ischt oberstes Gebot.”
Är bstellt drum Jets samt Bauaaleitig im IKEA Katalog.
Dä Flieger wird bald wirkigslos, well s bi dr Roche das isch e Hit,
Geg dä Gripen glyy e neui Gripen-Impfig git.
Är bstellt drum Jets samt Bauaaleitig im IKEA Katalog.
Dä Flieger wird bald wirkigslos, well s bi dr Roche das isch e Hit,
Geg dä Gripen glyy e neui Gripen-Impfig git.
Christoph, s kunnt im Alter vor, dass me d Frooge nümm rächt hört,
Und me im Interview vergisst, ob eim die BaZ jetzt wirgglig ghöört.
Und wenn de plötzlig findisch, du miechsch di als Briefträger no guet,
Denn zieh doch schnäll e Pöschtler-Gwändli aa… und nimm dr Huet.
Und me im Interview vergisst, ob eim die BaZ jetzt wirgglig ghöört.
Und wenn de plötzlig findisch, du miechsch di als Briefträger no guet,
Denn zieh doch schnäll e Pöschtler-Gwändli aa… und nimm dr Huet.
“Nur 19 Pünggtli hänns mer gää”, seit s Rossinelli zimlig duuch,
Und denn sin d Dräänen uusegsprützt wie bim ne platzte Garteschluuch.
Mir finde das ganz unverständlig, sin doch und dasch no ächt fett,
Öppe 50 Pünggt mee als dr FC Sion het.
Und denn sin d Dräänen uusegsprützt wie bim ne platzte Garteschluuch.
Mir finde das ganz unverständlig, sin doch und dasch no ächt fett,
Öppe 50 Pünggt mee als dr FC Sion het.
Zum s Befinde uusefinde het jetzt d BaZ en Umfroog gmacht:
“Hänn si Angscht? Am Claraplatz? Im Tram? Bi Tag? Oder bi Nacht?”
S Ergäbnis isch für d BaZ prekär, well d Helfti antwortet mit Pfiff:
“Ich ha Angscht dass y dr Markus Somm im Dunggle driff.”
“Hänn si Angscht? Am Claraplatz? Im Tram? Bi Tag? Oder bi Nacht?”
S Ergäbnis isch für d BaZ prekär, well d Helfti antwortet mit Pfiff:
“Ich ha Angscht dass y dr Markus Somm im Dunggle driff.”
“Dä Titanwurz stinggt jo grässligg!”, hett d Frau Meier übel gmotzt,
Und denn schnäll im Santihans in nägschde Bluemekübel kotzt.
“Mami, nei du hesch kei Aanig”, seit entrüschtet iire Sohn,
“Das kunnt dängg us em Konsi, dört isch Früschfleisch-Aktion.”
Und denn schnäll im Santihans in nägschde Bluemekübel kotzt.
“Mami, nei du hesch kei Aanig”, seit entrüschtet iire Sohn,
“Das kunnt dängg us em Konsi, dört isch Früschfleisch-Aktion.”
Nach dr Geburt macht dr Sarkozy mit em Massband dr Verglyych,
Und jublet denne hocherfreut: “Das Kind isch gleiner no als ich!”
“Du Dubel”, seit do sini Carla, “hesch vo Fyyngfüül jo kei Spuur,
Das isch doch kei Massband, das isch mini Naabelschnuer.”
Und jublet denne hocherfreut: “Das Kind isch gleiner no als ich!”
“Du Dubel”, seit do sini Carla, “hesch vo Fyyngfüül jo kei Spuur,
Das isch doch kei Massband, das isch mini Naabelschnuer.”
Poulet, Rind und Sau, me frogt sich, was me hüt no ässe kaa,
Und wäg däm EHEC Wurm sin ändlig d Vegetarier au draa.
In ganz Europa waggst kei Gurke me und kei Tomate-Saat,
Nur in Griecheland, dört hän si jetze dr Salat.
Und wäg däm EHEC Wurm sin ändlig d Vegetarier au draa.
In ganz Europa waggst kei Gurke me und kei Tomate-Saat,
Nur in Griecheland, dört hän si jetze dr Salat.
UBS, dangg Adoboli fääle zwei Milliarde jetzt vom Gäld.
Das sin drei Zäänermögge für e jede Mensch uf dere Wält.
Oder vier Krützfaartsschiff wo me im Mittelmeer versängge kaa,
Und in re Basler Beiz kasch für das Gäld fünf Stange haa.
Das sin drei Zäänermögge für e jede Mensch uf dere Wält.
Oder vier Krützfaartsschiff wo me im Mittelmeer versängge kaa,
Und in re Basler Beiz kasch für das Gäld fünf Stange haa.
Wenn dr Philipp Hildebrand sich mit dr Kashya znacht als paart,
Rieft är gierig: “Kumm drybs Dollar und mach mir mi Frangge hart.”
Doch syt neuschtem macht är nur no Droggeniebige im Bett,
Well me iim jedes Insidergschäft verbotte het.
Rieft är gierig: “Kumm drybs Dollar und mach mir mi Frangge hart.”
Doch syt neuschtem macht är nur no Droggeniebige im Bett,
Well me iim jedes Insidergschäft verbotte het.
Wo sich d Pippa Middleton bim Royal Wedding mol schnäll buggt,
Schreien alli “Lägg, das Fudi” und ganz Ängland spiilt verruggt.
D Queen isch empört und d Schweschter hässig, nur dr Charles fdreäut sich drabb,
“Bugg di nur diefer Schätzli, s längt vo mynen Ooren ab.”
Schreien alli “Lägg, das Fudi” und ganz Ängland spiilt verruggt.
D Queen isch empört und d Schweschter hässig, nur dr Charles fdreäut sich drabb,
“Bugg di nur diefer Schätzli, s längt vo mynen Ooren ab.”